Ministrja e Arsimit, Arbërie Nagavci, ka takuar përfaqësuesit e Këshillit të Prindërve të Kosovës, të prirë nga kryetari Besnik Dragusha, shkruan Albanian Education.net.
Ajo thotë se i ka siguruar se do të kenë mbështetjen e MAShTI për përmbushjen e detyrave dhe përgjegjësive që ju takojnë.
Postimi i ministres:
Kisha kënaqësinë të pres sot në takim përfaqësuesit e Këshillit të Prindërve të Kosovës, të prirë nga kryetari Besnik Dragusha.
Shpreha gatishmërinë për bashkëpunim të shtuar, në mënyrë që të arrihen qëllimet e përbashkëta për ngritjen e cilësisë në edukimin dhe arsimin e fëmijëve.
I sigurova se do të kenë mbështetjen e MAShTI për përmbushjen e detyrave dhe përgjegjësive që ju takojnë.
Po ashtu i falenderova për gatishmërinë dhe vullnetin e treguar që të jenë pjesë e këtij Këshilli.
