Ministrja Arbërie Nagavci ka takuar përfaqësuesit e drejtorive komunale të arsimit.
Nagavci thotë se me ta ka biseduar rreth ecurisë së proceseve prioritare të Qeverisë në fushën e arsimit.
Postimi i saj i plotë:
Dialogu i hapur me bazë të gjerë – gurthemel për avancimin e arsimit 📚
Sot mirëprita në MASHTI përfaqësues të DKA-ve nga i tërë vendi 📍 në një bashkëbisedim të afërt, të sinqertë, konkret e korrekt. Diskutuam haptaz rreth ecurisë së proceseve prioritare të Qeverisë në fushën e arsimit, si:
✅ edukimi në fëmijërinë e hershme
✅ dixhitalizimi i arsimit
✅ organizimi i testeve kombëtare e ndërkombëtare
✅ rishikimi i teksteve shkollore
✅ rrjetëzimi i shkollave.
Dyert e MASHTI-t janë gjithnjë të hapura për takime të tilla produktive, sepse politikat arsimore për përmirësimin e cilësisë së arsimit shkojnë krah për krah me punën në shkolla 👩🏫
Sigurova të pranishmit se Qeveria e Kosovës dhe MASHTI qëndrojnë të palëkundur në zotimin për realizimin e premtimeve në fushën e arsimit, ku në fokus kemi interesat më të mira të fëmijëve dhe profesionistëve të fushës së arsimit ✍️.
