Nagavci takon homologen e saj nga Shqipëria, flasin për punën që po bëhet për Abetaren e përbashkët

Ministrja e Arsimit, Arbërie Nagavci dje ka takuar homologen e saj nga Shqipëria, Evis Kushi.

Nagavci përmes një postimi në Facebook ka shkruar se kanë biseduar për punën që është bërë deri tani për Abetaren e përbashkët.

Kënaqësi të mirëpritem dje në Ministrinë e Arsimit dhe Sportit në Shqipëri nga ministrja Evis Kushi.
Bashkë, takuam anëtarët e Komisionit nga Kosova dhe Shqipëria për Abetaren e përbashkët. U njoftuam nga afër për punën që është bërë deri në këtë periudhë, përkushtimin dhe angazhimin për një proces transparent, të hapur e të drejtë që mundëson një abetare me standarde bashkëkohore për vogëlushët tanë.
Bashkëpunimi jonë në fushën e arsimit do të vazhdojë me projekte e aktivitete tjera.
Një komb, një gjuhë, një abetare.