Ministrja e Arsimit, Arbërie Nagavci, ka njoftuar se ka zhvilluar takime të frytshme dhe diskutime konstruktive në EQAR dhe ENQA.
Ministrja njofton se gjatë diskutimeve kanë biseduar për zhvillimet, standardet dhe udhëzimet për sigurimin e cilësisë si dhe bashkëpunimet në arsimin e lartë.
Postimi i saj:
Takime të frytshme dhe diskutime konstruktive në EQAR dhe ENQA
U mirëpritëm në Bruksel, nga Presidenti i EQAR, zt. Karl Dittrich, drejtoresha e EQAR, znj. Magalie Soenen, si dhe drejtoresha e ENQA, znj. Anna Gover.
Gjatë diskutimeve konstruktive biseduam për zhvillimet, standardet dhe udhëzimet për sigurimin e cilësisë si dhe bashkëpunimet në arsimin e lartë.
I informuam për progresin e mirë që ka bërë Kosova sa i përket sigurimit të cilësisë në arsimin e lartë, në veçanti me miratimin e ligjit të ri për Agjencinë e Kosovës për Akreditim.
Bashkë me kryetarin e Komisionit për Arsim, Ardian Gola, kryetaren Hasnije Ilazi dhe përfaqësues të Këshillit Shtetëror të Cilësisë, drejtorin e AKA-së, Naim Gashi dhe përfaqësues të HERAS Plus, kishim kënaqësinë të konfirmonim se ka një kohezion nacional për cilësinë në arsimin e lartë dhe mirëpritëm inkurajimin që të vazhdojmë me të njëjtin ritëm të progresit, deri në anëtarësimin e plotë të AKA-së në EQAR.
