Ministrja e Arsimit, Arbërie Nagavci, ka mbajtur sot takim me drejtorët komunal të arsimit, shkruan AlbanianEducation.net.
Ajo thotë se i ka njoftuar drejtorët e DKA-ve se si Ministri janë duke punuar në shumë dimensione, në funksion të përmirësimit të kushteve në arsim e në veçanti, ngritjes së cilësisë.
Postimi i plotë i saj:
Me qëllim të koordinimit mes nivelit qëndror dhe lokal, zhvilluam takimin e radhës me drejtorët komunal të arsimit.
I informova se si Ministri jemi duke punuar në shumë dimensione, në funksion të përmirësimit të kushteve në arsim e në veçanti, ngritjes së cilësisë.
Në këtë segment, jemi duke punuar me intensitet të lartë në:
-Hartimin e ligjeve të ndryshme dhe udhëzimeve administrative,
-Rregulloren për punësimin e stafit arsimor,
-Rishikimin e teksteve shkollore,
-Ndërtimin e infrastrukturës së re shkollore,
-Furnizimin e shkollave me pajisje të ndryshme .
Falënderoj drejtorët e DKA-ve për punën e tyre gjatë dy-mujorit të parë të vitit shkollor 2023-2024.
Si rezultat i përkushtimit të lartë, procesi mësimor në këtë periudhë kohore ka rrjedhur mbarë dhe pa ndonjë vështirësi të theksuar.
