Ministrja Arbërie Nagavci ka njoftuar se kanë nënshkruar marrëveshje bashkëpunimi ne Shoqatën Kosovare të Shurdhërve.
Nagavci thotë se synojnë përmirësimin e cilësisë së arsimit të fëmijëve me dëmtime në dêgjim
Njoftimi:
Nënshkruam sot Marrëveshje Bashkëpunimi me Shoqatën Kosovare të të Shurdhërve të Kosovës me të cilën synojmë përmirësimin e cilësisë së arsimit të fëmijëve me dëmtime në dëgjim.
Marrëveshja ka për qëllim implementimin e rekomandimeve të dala nga Udhëzuesi për edukimin gjithëpërfshirës, bilingualizmin dhe gjuhën e shenjave për fëmijët me dëmtime në dëgjim.
Si Ministri kemi ndërmarrë disa veprime për të siguruar kushte dhe mundësi që secili fëmijë me nevoja të veçanta të ketë qasje në arsim.
Bashkë me Shoqatën dhe komunitetin do të angazhohemi fuqishëm që të kalojmë të gjitha sfidat dhe vështirësitë në mënyrë që fëmijët e shurdhër të kenë mundësi të arsimohen.
