Ministrja e Arsimit, Arbërie Nagavci, me rastin e Ditës Ndërkombëtare të Rinisë, shkruan AlbanianEducation.net.
“Si Ministri e Arsimit jemi angazhuar plotësisht për t’i mbështetur të rinjtë në çdo hap të udhëtimit të tyre”, ka thënë Nagavci.
Postimi i saj:
Të rinjtë janë fuqia që sjell ndryshime dhe zhvillim.
Në Ditën Ndërkombëtare të Rinisë, uroj që të gjithë të rinjtë të kenë energjinë dhe guximin për të ndjekur ëndrrat e tyre.
Kjo ditë, uroj që të shërbejë si një mundësi për të reflektuar mbi rëndësinë e investimeve në të rinjtë e vendit tonë dhe për të nxitur përpjekjet tona për të krijuar mundësi të reja dhe mbështetje për ta.
Si Ministri e Arsimit jemi angazhuar plotësisht për t’i mbështetur të rinjtë në çdo hap të udhëtimit të tyre. Në këto vite, kemi punuar së bashku për të krijuar një sistem arsimor që u përgjigjet nevojave dhe aspiratave të rinisë sonë.
Kemi investuar në programe të reja edukimi, kemi përmirësuar infrastrukturën arsimore dhe kemi mundësuar trajnime të specializuara, që t’i përgatisim për sfidat e së ardhmes.
Mbi 10 milionë euro mbështetje për studime për të rinjtë tanë si bursat STEM, bursat elitare, bursa për studime jashtë vendit e shumë skema tjera.
Të dashur të rinjë,
Në këtë ditë dua të ju shpreh mirënjohje për sukseset dhe përfaqësimet tuaja në të gjitha fushat si në shkencë, kulturë, sport etj.
E ardhmja e shoqërisë është në duart tuaja, andaj si Ministri e Arsimit e si Qeveri do të vazhdojmë të ju mbështesim në realizimin e synimeve që i keni!
