Ministrja e Arsimit, Arbërie Nagavci, ka njoftuar se bashkë me Sekretarin e Përgjithshëm të Shoqatës Evropiane të Instituteve për Aftësimin Profesional (EVBB),Theodor Grassos nënshkruam në Bruksel marrëveshje bashkëpunimi me qëllim të përmirësimit të imazhit të Arsimit dhe Aftësimit Profesional në Kosovë.
Ajo ka treguar se qëllimi themelor i Memorandumit është të ndërmerren nisma që rrisin rëndësinë e arsimit profesional duke e bërë si zgjedhjen e parë për të rinjtë tanë.
Postimi i saj:
Edhe një hap drejt fuqizimit të Arsimit dhe Aftësimit Profesional
Bashkë me Sekretarin e Përgjithshëm të Shoqatës Evropiane të Instituteve për Aftësimin Profesional (EVBB),Theodor Grassos nënshkruam në Bruksel marrëveshje bashkëpunimi me qëllim të përmirësimit të imazhit të Arsimit dhe Aftësimit Profesional në Kosovë.
Kisha kënaqësinë që në takim të jem e shoqëruar edhe nga Ambasadori i Kosovës në Bruksel, Agron Bajrami.
Qëllimi themelor i Memorandumit është të ndërmerren nisma që rrisin rëndësinë e arsimit profesional duke e bërë si zgjedhjen e parë për të rinjtë tanë.
Ky bashkëpunim do të mundësojë përmirësimin e cilësisë së AAP-së dhe ndërlidhjen me nevojat e tregut të punës.
Memorandumi parasheh edhe mbështetjen e aktiviteteve që zhvillojnë aftësitë dixhitale dhe aftësi të tjera të mësimdhënësve/trajnuesve të AAP-së bazuar në udhëzimet e Komisionit Europian.
Arsimi dhe aftësimi profesional do të hap rrugë dhe mundësi të reja për të brezat që vijnë.
Neve sot na duhet çdo profesionist i secilës fushë për ta ndërtuar shtetin tonë.
