Ministrja e Arsimit, Arbërie Nagavci, përmes një postimi të gjatë në Facbook ka renditur punët që ka kryer, ndërsa ka shkruar se në vitin 2024 do të ketë më shumë punë, vullnet e përkushtim, shkruan AlbanianEducation.net.
Postimi i saj:
Po e përmbyllim këtë vit me dinamikë të jashtëzakonshme, me zhvillime e rezultate shpresëdhënëse po aq sa edhe me sfida e mësime.
Duke falenderuar përzemërsisht të gjithë bashkëpunëtorët e kolegët, jam e bindur se në 2024 do të rrisim bashkëpunimin, angazhimin dhe arritjet e përbashkëta.
Përmbledhje e disa punëve të MASHTI gjatë vitit 2023:
🟢Arsimi dual
✔️Këtë vit shkollor e zgjeruam arsimin dual edhe me 8 profile të reja.
✔️Nga ky vit shkollor, kemi gjithsej 12 profile të arsimit dual në 21 shkolla profesionale në 14 komuna të ndryshme.
🟢Fillimi i rishikimit të teksteve shkollore
✔️Me përkrahje të projektit të BE-së, KosEd rishikuam 38 tekste, prej tyre 21 të gjuhës shqipe dhe 17 të matematikës.
🟢Rritja e buxhetit për arsim
✔️Buxheti për vitin e ardhshëm për fushën e arsimit do të jetë 408,988,408 euro.
✔️Projektet, investimet dhe shpenzimet e planifikuara për 2024 nga MASHTI do të mund të realizohen në tërësi me 100,120,951 euro.
✔️Buxheti për arsimin në komuna është rritur në 277,157,385 euro.
🟢Miratimi i Ligjit për Edukimin në fëmijërinë e hershme
✔️Përmes këtij ligji po rregullojmë ofrimin e edukimit cilësor në të gjitha format e organizimit të edukimit për më të vegjëlit tanë prej lindjes deri në moshën 6 vjeçare.
✔️Me ligjin e ri, nga viti i ardhshëm shkollor, edukimi Parafillor bëhet i obliguar.
🟢Miratimi i Ligjit për AKA
✔️Ky ligj është një nga hallkat e rëndësishme të garantimit të cilësisë në arsimin e lartë dhe ndërkombëtarizimin e sistemit tonë të arsimit.
✔️Ligji pamundëson çdo ndërhyrje në pavarësinë e AKA-së dhe krijon bazë të fortë për kthimin e saj në ENQA dhe EQAR.
🟢Miratimi i Programit Kombëtar të Shkencës 2023-2028
✔️Ky program do të shërbejë si një udhërrëfyes drejt zhvillimit të kapaciteve kërkimore-shkencore dhe inovative, duke orientuar politikat e kërkimit shkencor në Kosovë, në mbështetje të koherencës dhe efikasitetit të sistemit kombëtar të kërkimit shkencor.
🟢Përkrahja e OJQ-ve që merren me promovimin e nxënësve me IQ të jashtëzakonshme, talente dhe dhunti.
✔️Shuma totale e mbështetjes 170 mijë euro.
✔️Përfituan 7 organizata të shoqërisë civile.
🟢Themelimi i Kolegjit publik IBCM
✔️Ky është kolegji i parë publik me programe 100% me akreditim ndërkombëtar dhe ligjërim në gjuhën angleze.
✔️Shtrihet në dy kampuse, në Mitrovicën e Veriut dhe Mitrovicën e Jugut duke përfshirë komunitete të ndryshme në Kosovë.
✔️Si Ministri kemi investuar 270 mijë euro për fillim dhe kemi mbështetur të gjitha veprimet procedurale për të siguruar arsim të lartë cilësor në këtë kolegj.
🟢Përfituesit nga programi Erasmus+
✔️Në thirrjen e këtij viti, në fushën e arsimit të lartë janë përzgjedhur për financim nga Komisioni Evropian 13 projekte me 27 institucione përfituese nga Kosova. Nga këto 13 projekte, 4 institucione të arsimit të lartë janë bartës/koordinatorë të këtyre projekteve.
✔️Mbi 37 institucione të arsimit të lartë dhe profesional nga Kosova janë përfituese të skemave të Programit Erasmus+ për arsimin e lartë dhe atë profesional.
✔️Në fushën e arsimit profesional kemi 5 projekte përfituese, me gjithsej 10 institucione përfituese nga Kosova.
🟢Mbështetje financiare për studentët
✔️1882 studente vajza/gra të regjistruara për herë të parë në programet e studimit STEM dhe studente të cilat kanë përfunduar vitin e parë dhe të dytë të studimeve kanë përfituar nga 1 mijë euro. Shuma totale e pagesës 1.882.000 euro.
✔️1647 studentë të nivelit bachelor dhe master me notë mesatare 9 kanë përfituar nga 1 mijë euro. Shuma totale e pagesës 1.647.000 euro.
✔️28 studentë me aftësi të kufizuara, kanë përfituar nga 1 mijë euro. Shuma totale e pagesës 28.000 euro.
✔️55 studentë të komuniteteve rom, ashkali, dhe egjiptianë përfitues të bursave për vitin akademik 2023/2024 kanë përfituar nga 1 mijë euro. Shuma totale e pagesës 55.000 euro.
✔️70 bursa në drejtimet deficitare dhe drejtimet teknike në vlerë 500 euro për një vit shkollor. Shuma totale e pagesës 35.000 euro.
✔️13 përfitues të bursave të nivelit master në top 150 universitetet më të mira në botë sipas listës Shanghai 2023. Përfituan nga 7 mijë euro. Shuma totale e pagesës 91.000 euro.
✔️43 studentë të cilët ndjekin studimet e doktoratës në 500 universitetet më të mira në botë sipas listës “Shanghai” të vitit 2023 përfituan nga 8,500 euro. Shuma totale e pagesës 365.500 euro.
✔️467 nxënës të shkollave të mesme të larta nga komunitetet rom, ashkali dhe egjiptian përfituan bursë në shumë 300 euro. Shuma totale e pagesës 140.100 euro.
✔️89 nxënës të Gjimnazit të specializuar matematikor në Prishtinë, për vitin shkollor 2023/24, kanë përfituar bursë në shumë 1 mijë euro. Shuma totale e pagesës 89.000 euro.
🟢Programi Fulbright
✔️Këtë vit kemi 7 përfitues nga Kosova të bursave Fulbright për vitin 2023.
✔️Investimi i qeverisë për programin Fulbright (600 mijë euro në vit) e rendit Kosovën në vendin numër një në botë për shumën e bashkëfinancimit të programit Fulbright për kokë banori.
✔️Tani kemi mbi 40 qytetarë në baza vjetore që janë pjesë e shkëmbimeve akademike nga Kosova në SHBA dhe anasjelltas.
🟢Çerdhet
✔️Gjatë vitit 2023 ka përfunduar ndërtimi i çerdhes në Suharekë dhe në Prizren.
✔️ Po vazhdon ndërtimi i 12 çerdheve të reja të kontraktuara me investime nga MAShTI dhe gjashtë tjera me investime nga BE me projektin IPA 2016.
✔️ Po këtë vit janë kontraktuar për ndërtim edhe gjashtë çerdhe të reja.
✔️Ka përfunduar adaptimi i tre shkollave në çerdhe dhe ka vazhduar adaptimi i katër shkollave tjera në kopshte për fëmijë ndërkaq, është kontraktuar adaptimi edhe i pesë shkollave dhe objekteve tjera në kopshte për fëmijë.
🟢Objektet shkollore
✔️Gjatë vitit 2023 ka përfunduar ndërtimi i 6 objekteve shkollore:
✔️Ka vazhduar ndërtimi i 15 shkollave tjera të reja me investime nga MASHTI dhe 2 shkollave me investime nga BE me projektin IPA 2017.
🟢Subvencionimi për tekste shkollore
✔️Për subvencionim e teksteve shkollore dhe materialeve mësimore për vitin shkollor 2023-2024 gjithsej kanë aplikuar 194,660 prindër.
✔️Përfitues për tekste shkollore (me nga 50 euro) janë 115,014 prindër ose kujdestarë. Ndërkaq, përfitues për materiale shkollore janë 196,378 prindër ose kujdestarë.
✔️Shuma totale e pagesës për të dy kategoritë është 11,642,040 euro.
🟢Tekstet për nxënësit e Preshevës, Medvegjës e Bujanocit.
✔️Siguruam tekste shkollore për nxënësit e Preshevës, Medvegjës e Bujanocit.
✔️Qeveria ndau 254 mijë e 562 euro për blerjen e teksteve në gjuhën shqipe për nxënësit e Preshevës, Medvegjës e Bujanocit.
🟢Inaguruam Këshillin Shtetëror për Licencimin e Mësimdhënësve (KSHLM)
✔️Krahas kësaj, finalizuam një pako legjislative ku bën pjesë edhe Udhëzimi Administrativ për KSHLM i cili sjell disa risi të rëndësishme.
🟢Finalizuam Sintezën vokale
✔️Sinteza vokale mundëson konvertimin e shkrimit në gjuhën e folur dhe zvogëlon barrierat për nxënie.
✔️Sinteza vokale në gjuhën shqipe do të përmirësojë cilësinë në arsim dhe do të tejkalojë barrierat me të cilat ballafaqohen personat e verbër në Kosovë.
🟢Konferenca STEMinist
✔️Për herë të parë organizuam konferencën STEMinist e cila do të bëhet një traditë e përvitshme për të gjitha vajzat dhe gratë që do të ndjekin rrugën e tyre në një nga fushat STEM.
✔️Kjo konferencë do të mundësojë rrjetëzimin e vajzave/grave në këto fusha, promovimin e fushave STEM në të gjitha nivelet e arsimit, si dhe krijimin e mundësive për punë praktike, mentorim e zhvillim profesional.
🟢Për mërgatën tonë
✔️Bashkë me Ministrinë e Arsimit të Shqipërisë, organizuam Seminarin e XVI Mbarëkombëtar me Mësuesit e Gjuhës Shqipe dhe të Kulturës Shqiptare në Diasporë.
Mes të tjerash:
🔴Kemi hartuar kurrikula të përbashkëta,
🔴Tekste të reja për mësimin shqip në diasporë;
🔴Është finalizuar teksti mësimor për nivelin 1, dhe në proces janë edhe tekstet mësimore për nivelet 2 dhe 3.
Sfidat na kanë zhvilluar, transformi ka filluar, vazhdojmë në 2024 edhe me më shumë punë, vullnet e përkushtim!
Uroj që viti që po vjen të sjellë shëndet, paqe, dashuri e prosperitet për të gjithë ne! Gëzuar!
