Ministrja e Arsimit, Arbërie Nagavci, ka publikuar dy udhëzime administrative, atë për regjistrimin dhe licensimin e institucioneve kërkimore-shkencore dhe të inovacionit si dhe për ndarjen e bursave, shkruan Albnian Education.
Njoftimi i ministres:
Në kuadër të punës që po bëjmë për të përmirësuar infrastrukturën ligjore, së fundi kemi publikuar dy Udhëzime administrative në Platformën e diskutimeve publike,
1. UA për regjistrimin dhe licensimin e institucioneve kërkimore-shkencore dhe të inovacionit http://bitly.ws/HIvU
2. UA për ndarjen e bursave http://bitly.ws/Hp6a
UA i parë ka për qëllim përcaktimin e normave, kushteve dhe kritereve për regjistrimin, licencimin apo rilicencimin e veprimtarisë së institucioneve kërkimore-shkencor dhe të inovacionit, në bazë të Ligjit për Inovacion Shkencor dhe Transfer të Dijës dhe Teknologjisë.
Ndërkaq, UA për bursat ka për qëllim përcaktimin e kushteve dhe kritereve si dhe procedurave për ofrimin e bursave nga MAShTI për mbështetje financiare të studentëve/eve për studime universitare brenda dhe jashtë vendit për nivelin Bachelor, Master dhe Doktoratë.
Falenderoj të gjithë ata që kanë dhënë kontributin për hartimin e këtyre udhëzimeve ndërkaq ju ftoj për komente dhe sygjerime.
