Ministrja e Arsimit, Arberie Nagavci, ka takuar sot ambasadorin e Suedisë në Kosovë, Jonas Westerlund, dhe përfaqësuesit e kompanisë prestigjioze ndërkombëtare Tetrapak.
Ajo thotë se janë duke punuar bashkë me institucionet e linjës në hartimin e dokumenteve dhe promovimin e ushqyerjes së shëndetshme në shkolla.
Postimi i saj:
Zhvilluam sot takim me ambasadorin e Suedisë në Kosovë, Jonas Westerlund, dhe përfaqësuesit e kompanisë prestigjioze ndërkombëtare Tetrapak.
Biseduam për rëndësinë e ofrimit të ushqimit të shëndetshëm për fëmijët në çerdhe e shkolla.
I informova për Udhëzuesin për Planifikimin e Ushqyerjes në Institucionet Parashkollore në Kosovë i hartuar në vitin 2022 i cili synon marrjen e mjaftueshme të energjisë dhe lëndëve ushqyese për fëmijët.
Si Ministri jemi duke punuar bashkë me institucionet e linjës në hartimin e dokumenteve dhe promovimin e ushqyerjes së shëndetshme në shkolla.
