Ministrja e Arsimit, Arbërie Nagavci, ka marrë pjesë në 50 vjetorin e themelimit të shkollës shqipe në Mushnikovë të Prizrenit, përurimit të Sallës së Edukatës Fizike dhe Kabinetit të Shkencave Natyrore.
Nagavci thotë se në MAShT, krahas zhvillimit të politikave arsimore, jemi duke punuar edhe në përmirësimin e infrastrukturës shkollore.
Postimi i tij:
Kënaqësi të jem pjesë e festës, në 50 vjetorin e themelimit të shkollës shqipe në Mushnikovë të Prizrenit, përurimit të Sallës së Edukatës Fizike dhe Kabinetit të Shkencave Natyrore.
I urova nxënësit, mësimdhënësit e udhëheqësit e shkollës në këtë përvjetor për përkushtimin e tyre në arritje të rezultateve.
Në MAShTI, krahas zhvillimit të politikave arsimore, jemi duke punuar edhe në përmirësimin e infrastrukturës shkollore, pasi kjo është një faktor i rëndësishëm për cilësinë e arsimit dhe njëkohësisht edhe për rritën dhe zhvillimin e shëndetshëm të fëmijëve tanë.
Salla e Edukatës Fizike në këtë shkollë, me një hapësirë prej 730m² dhe investim i 253,692.92€ nga MAShTI, që ofron më shumë mundësi për këta nxënës, është një nga investimet në infrastrukturën shkollore në komuna të ndryshme të Kosovës.
Jemi të përkushtuar që të krijojmë mundësi për secilin fëmijë në Kosovë që të ketë qasje në edukim fizik dhe fusha të tjera, sepse krahas arsimimit dhe shëndetit të mirë, duam që ata të kenë mundësi të shprehin talentet dhe aftësitë e tyre në çdo fushë.
