Ministrja e Arsimit, Arbërie Nagavci, sot ka qëndruar në Podujevë ku ka përuruar Qendrën e Karrierës në shkollën profesionale “Fan S. Noli” në Podujevë.
Me këtë rast, ministrja Nagavci ka shkruar se po fuqizojnë komponentin e orientimit dhe këshillimit në karrierë, shkruan Albanian Education.
Njoftimi:
Përuruam Qendrën e Karrierës në shkollën profesionale “Fan S. Noli” në Podujevë.
Bashkë me Kryetarin e Komunës, zt.Shpejtim Bulliqi, inaguruam Qendrën e parë të Karrierës në Podujevë. Misioni i qendrës është që të mbështesë dhe inkurajojë nxënësit në zgjedhjen e profilit të tyre, t’iu ofrojë infomacione për profilet të cilat ofrohen në shkolla profesionale, nevojat e tregut të punës, realizimin e mësimit praktik në ndërmarrje dhe mundësinë e punësimit pas shkollimit.
Po fuqizojmë komponentin e orientimit dhe këshillimit në karrierë. Vetëm për 2 vite të qeverisjes kemi:
📍Themeluar 11 qendra të karrierës me bazë në shkollë,
📍5 qendra të tjera të karrierës në proces të themelimit.
📍Standardizuar modelin e qendrave të karrierës për nivelin e shkollave profesionale,
📍Draftuar UA për funksionimin e shërbimeve të qendrave të karrierës për nivelin e shkollave profesionale,
📍Akredituar programin kualifikues/ri-kualifikues për këshilltarë të karrierës,
📍Zhvilluar konceptin e shërbimeve të orientimit në karrierë për klasat 6-9 të shkollave të mesme të ulëta,
📍Buxhetuar 59 pozitave të reja për këshilltarë të karrierës për vitin 2023 për klasat 6-9,
📍Institucionalizuar pozitën e këshilltarëve të karrierës për klasat 6-9 dhe 10-12, përmes kategorizimit në ligjin e pagave.
Falenderoj Qeverinë Zvicerane, e cila përmes projektit “Rritja e punësimit për të rinj-EYE” po mundëson themelimin e qendrave të karrierës. Nxënësve, këshilltarëve të karrierës dhe gjithë stafit të shkollës u dëshiroj suksese e rezultate në përmbushjen e misionit të tyre.
