Ministrja e Arsimit, Arbërie Nagavci, ndërsa ka folur për Besfort Shalën që ka përfunduar studimet e magjistraturës në Universitetin e Oxfordit me notën më të lartë, ka njoftuar se vitin e kaluar për herë të parë Ministria e Arsimit ka ofruar mbështetje financiare për 16 studentë të pranuar në top universitetet më të mira në botë.
Nagavci thotë se përkrahja e MASHTI për të rinjtë nuk do të ndalet.
“Do të vazhdojmë të financojmë të rinjtë tanë përmes bursave, sepse përgatitja e tyre është hap i rëndësishëm edhe për fuqizimin e Kosovës”, ka deklaruar ajo.
Postimi i saj:
Vitin e kaluar për herë të parë Ministria e Arsimit ka ofruar mbështetje financiare për 16 studentë të pranuar në top universitetet më të mira në botë.
Shumë e lumtur që njëri nga përfituesit e kësaj mbështetjeje, Besfort Shala ka përfunduar studimet e magjistraturës në Universitetin e Oxfordit me notën më të lartë.
Ai ka marrë pjesë në ngjarjet kryesore lidhur me matematikën të mbështetura nga MASHTI si: Olimpiada Matematike e Kosovës, Team Selection Test (TST) për International Mathematics Olympiad (IMO) dhe European Girls’ Mathematical Olympiad (EGMO), Kupa e Kombit, Olimpiada Matematike Kosovë – Shqipëri.
Përkrahja e MASHTI për të rinjtë nuk do të ndalet. Do të vazhdojmë të financojmë të rinjtë tanë përmes bursave, sepse përgatitja e tyre është hap i rëndësishëm edhe për fuqizimin e Kosovës.
