Ministrja e Arsimit, Arbërie Nagavci po qëndron në Suedi, ku nga afër ka përcjell punën e mësuesve shqiptarë atj.
Ajo ka treguar se ka marrë pjesë në një orë mësimore të klasës së parë në shkollën Rebbelbegaskolan me mësues Xhevat Isufi, në qytetin Ängelholn të Suedisë.
Nagavci thotë se janë 9 mijë nxënës, e 158 mësues
Postimi i saj:
Kënaqësi të përcjell nga afër punën që mësuesit tanë shqiptarë bëjnë me fëmijët e mërgatës.
Mora pjesë në një orë mësimore të klasës së parë në shkollën Rebbelbegaskolan me mësues Xhevat Isufi, në qytetin Ängelholn të Suedisë.
Është ndjenjë e papërshkruar të shohësh te këta fëmijë dëshirën për të mësuar gjuhën amtare, vullnet i bartur edhe nga prindërit i tyre.
Gjatë kësaj vizite takova edhe drejtoreshën e shkollës Mara Hidestal e cila më informoi se si shkollë, e kanë shumë të rëndësishme mbarëvajtjen e procesit mësimor në gjuhën shqipe.
Mërgata jonë në Suedi është me fat, pasi mësimi plotësues shqip këtu, pas Finlandës, është më mirë i organizuar krahasuar me të gjitha vendet tjera ku mbahet mësimi shqip.
Në sistemin arsimor të Suedisë, prej arsimit parashkollor e deri në shkollimin e mesëm, janë të përfshirë rreth 9 mijë nxënës shqiptarë, ose 60 për qind e fëmijëve shqiptarë dhe 158 mësues.
Qëllimi kryesor i mësimit të gjuhës amtare, është ruajtja e identitetit dhe integrimi sa më i shpejtë dhe i mirë në vendet pritëse. Duke e njohur mirë gjuhën amtare, edhe rezultatet në gjuhët tjera e në mësim janë më të larta.
https://www.facebook.com/arberienagavci/posts/561737612179412?__cft__[0]=AZXpVWaOGIOKBj5JIQVq8TD-2AFhVUqNG-WtNxgtxU5PcOgtyJBk-BUYS5MLYiGzVSkDgk6g4Xydd9ixWmnWBxC3BJxYtVB3DZ8qmVA4Tp2vRWl-pWRB0WiyzOW1Vm31phUpfDUgSIqg6TxaVJyaYuGK7y2ecHm4lWGXDsxQ9Y7ysw&__tn__=%2CO%2CP-R
