Ministrja e Arsimit, Arbërie Nagavci, ka shprehur shqetësimit e prindërve e stafit të shkollave sa i përket pastërtisë së toaleteve në shkolla, shkruan AlbanianEducation.net.
Ajo ka thënë se menaxhimi i institucioneve shkollore përfshirë, sigurimi i ambienteve të shëndetshme është kompetencë e komunave, por nuk mund të mos reagojnë si Ministri.
Nagavci ka bërë të ditur se bashkë me IKSHPK, UNICEF, OBSH, përfaqësues të DKA-ve si dhe përfaqësues të shkollave janë duke punuar në Udhëzuesin për higjienën në shkolla dhe pakon e pajisjeve higjienike.
Minsitrja ka njoftuar se kanë hapur edhe tenderin për furnizim me pakot higjienike e cila mes tjerash përmban edhe pako menstruale për vajza.
Pas finalizimit të këtij Udhëzuesi, Nagavci thotë se do të mbajnë takime me Drejtoritë Komunale të Arsimit, prindër e përfaqësues të shkollave që të sigurojmë ambiente të shëndetshme.
Postimi i saj i plotë:
Mjedisi i shëndetshëm në shkollë është parakusht në garantimin e rritjes dhe zhvillimit të fëmijëve dhe arritjes së potencialit të plotë të tyre, mundësisë së të mësuarit, zhvillimin kulturor dhe social.
Menaxhimi i institucioneve shkollore përfshirë, sigurimi i ambienteve të shëndetshme është kompetencë e komunave. Megjithatë, nuk mund të mos reagojmë si Ministri në lidhje me shqetësimet e prindërve e stafit të shkollave sidomos sa i përket pastërtisë së toaleteve në shkolla.
Për këtë arsye, bashkë me IKSHPK, UNICEF, OBSH, përfaqësues të DKA-ve si dhe përfaqësues të shkollave jemi duke punuar në Udhëzuesin për higjienën në shkolla dhe pakon e pajisjeve higjienike.
Tashmë e kemi hapur edhe tenderin për furnizim me pakot higjienike e cila mes tjerash përmban edhe pako menstruale për vajza.
Pas finalizimit të këtij Udhëzuesi, do të mbajmë takime me Drejtoritë Komunale të Arsimit, prindër e përfaqësues të shkollave që të sigurojmë ambiente të shëndetshme.
Si Ministri e Arsimit jemi të interesuar që në të gjitha shkollat të sigurojmë mjedise të shëndetshme.
