Ministrja e Arsimit, Arbërie Nagavci, ka marrë pjesë në ceremoninë e diplomimit të studentëve të Universitetit “Haxhi Zeka” në Pejë.
Ajo ka shkruar në Facebook se si Ministri, mbeten të përkushtuar që studentëve ‘u ofrojnë arsimin më të mirë të mundshëm për t’i përgatitur për karrierën e tyre të ardhshme.
Postimi i tij:
Me shumë kënaqësi mora pjesë në ceremoninë e diplomimit të studentëve të Universitetit “Haxhi Zeka” në Pejë.
Si Ministri, mbesim të përkushtuar që studentëve tanë t’u ofrojmë arsimin më të mirë të mundshëm për t’i përgatitur për karrierën e tyre të ardhshme.
Për të lehtësuar barrën e studentëve, rritur konkurrueshmërinë dhe për të siguruar ndërlidhjen më të mirë të arsimit të lartë me tregun e punës, kemi hequr tarifat në arsimin e lartë publik.
Po ashtu, në mënyrë që të nxisim arsimimin e gjeneratave të reja e t’i shpërblejmë për punën e tyre, çdo vit ndajmë bursa për studentët e dalluar.
Në dy vitet e fundit kemi ndarë edhe bursa për studentët që studiojnë në fushat e Shkencës, Teknologjisë, Inxhinierisë dhe Matematikës (STEM).
Arsimi i lartë është promotor për zhvillime sociale e ekonomike. Andaj po punojmë shumë që, sistemi i arsimit të lartë në Kosovë të ngritet në cilësinë më të lartë e të jetë i krahasueshëm me ato të vendeve të Evropës.
Shpresoj shumë që të diplomuarit të arrijnë majat e suksesit e të bartin njohuritë e tyre për zhvillimin dhe promovimin e shoqëristë tonë.
Suksese!
