Ministrja e Arsimit, Arbërie Nagavci, ka njoftuar se me qëllim të koordinimit të aktiviteteve për përmirësimin e sistemit arsimor në Kosovë, bashkë më drejtorët Komunal të Arsimit.
Ajo thotë se me ta ka diskutuar për çështje të rëndësishme sa i përket arsimit në Komuna si, legjislacioni i AAP-së, arsimi dual, arsimi për të rritur, aplikimi për grante dhe bursa, kurrikulat dhe trajnimet, përfundimi i vitit shkollor dhe plani për regjistrim në vitin e ri shkollor 2024/2025, shkruan AlbanianEducation.net.
Postimi i saj i plotë:
Me qëllim të koordinimit të aktiviteteve për përmirësimin e sistemit arsimor në Kosovë, bashkë më drejtorët Komunal të Arsimit diskutuam për çështje të rëndësishme sa i përket arsimit në Komuna si, legjislacioni i AAP-së, arsimi dual, arsimi për të rritur, aplikimi për grante dhe bursa, kurrikulat dhe trajnimet, përfundimi i vitit shkollor dhe plani për regjistrim në vitin e ri shkollor 2024/2025.
I falënderova për punën dhe rezultatet e përbashkëta të cilat janë arritur gjatë vitit të kaluar, si dhe për përgatitjet e duhura për vitin e ardhshëm. Në dy vitet e fundit në Arsimin dhe Aftësimin Profesional janë shënuar rezultate për të cilat jemi të vetëdijshëm se stafi, nxënësit dhe komuniteti e vlerësojnë shumë.
Në lidhje me zbatimin e mësimit dual, i cili është duke u zbatur në 12 profile, i inkurajova DKA-të që në bashkëpunim me bizneset, të identifikojnë profile të reja, në të cilat mund të fillohet mësimi nga shtatori.
Ndër të tjera i informova se tashmë është finalizuar Rregullorja për punësimin drejtorëve, mësimdhënësve dhe stafit tjetër në shkolla.
Diskutuam edhe për mundësinë e përfitimit të fondeve nga programet e Erasmus Plus, ku gjatë muajve të ardhshëm, Zyra e BE-së në Kosovë do të organizojë takime informuese për mundësitë e përfitimit nga këto fonde, qoftë për lidhje të shkollave me vende të ndryshme, shkëmbime të profesorëve, nxënësve dhe aktivitete të tjera.
