Ministrja e Arsimit, Arbërie Nagavci, thotë se komunikimi mes nxënësve dhe mësimdhënësve i një rëndësie të veçantë.
Duke marrë për bazë këtë, e para e Arsimit thotë se kanë ridizajnuar faqen e Ministrisë së Arsimit në të cilën thotë se do të pasqyrohet puna dhe do të jenë transparet në raport me qytetarët.
Postimi i saj:
Komunikimi me nxënës, studentë, mësimdhënës, prindër dhe të gjithë qytetarët e Kosovës, është i një rëndësie të veçantë, prandaj kemi ridizajnuar ueb faqen e MASHTI, si një nga mjetet e rëndësishme të komunikimit mes nesh.
Ueb faqja e re, e cila është lëshuar në përdorim, mundëson qasje shumë më të lehtë në të gjitha materialet e publikuara, pra është e lehtë për shfletim dhe qasja në informatë mund të bëhet me shumë më pak klikime.
Kjo faqe e re e MASHTI është e dizajnuar për të qenë më e sigurtë dhe do të vazhdojë të pasurohet me materiale e lajme, në mënyrë që të jemi sa më transparent në raport me qytetarët, mediat, shoqërinë civile dhe institucionet në Kosovë e më gjerë.
