Ministrja Arbërie Nagavci ka prezantuar sot në Komisionin parlamentar për arsim, Ligjin për arsimin e lartë i cili u shqyrtua dhe miratua në parim nga ky komision.
Ajo ka treguar disa nga risitë që sjellë Projektligji i ri për arsimin e lartë, shkruan Albanian Kids Education.
Postimi i saj:
Prezantova sot në Komisionin parlamentar për arsim, Ligjin për arsimin e lartë i cili u shqyrtua dhe miratua në parim nga ky komision.
Me shumë punë e përkushtim, për më pak se një vit kemi arritur ta hartojmë draftin e ri të Projektligjit dhe ta nxjerrim në konsultim publik.
Disa nga risitë që sjellë Projektligji i ri për arsimin e lartë janë:
-Kritere të qarta për themelimin e institucioneve me qëllim të ushtrimit të aktiviteteve në arsim të lartë-shkencor, profesional, artistik.
-Përcaktimi i obligimeve dhe detyrave të strukturës qeverisëse të institucioneve publike të arsimit të lartë duke siguruar vendimmarrje të pavarur dhe të pandikuar;
-Përcaktimi i standardeve minimale dhe kushteve për emërime akademike;
-Financimi i institucioneve publike në bazë të kontratave të performancës;
-Vendosja e mekanizmave për sigurimin e integritetit akademik:Komiteti etik në nivelin qendror, këshilla të etikës në çdo institucion të arsimit të lartë;
-Verifikimi i titujve akademik.
Falenderoj anëtarët e grupit punues për kontributin e tyre për të finalizuar këtë projektligj.
Duke qenë se është një ligj me interes vital, uroj që deputetët ta trajtojnë me prioritet dhe ta finalizojmë sa më shpejt.
