Deputeti i PDK-së, Rashit Qalaj, ka hedhur kritika ndaj ministres Arbërie Nagavci për një tender milionësh me shtëpinë botuese ‘Albas’.
“Raportet e audotirotit tregojnë tmerr në qeverinë e juaj. Vetëm tri ministri në vitin 2022 i ministrit të financave që është këtu, të gjitha ministritë e tjera i kanë pasur raportet e modifikuara, me të gjetura e të gjetura.
Unë, në replikat që pata më herët e pyeta ministren në lidhje me lidhjen e saj me shtëpinë botuese ‘Albas’.
E pyetën edhe kolegët e mi, çele guri gojën. E pyeta a është e vërtetë që ke deklaruar në deklarimin e pasurisë në vitin 2020 se ke marrë të hyra nga kompania Albas? Asnjë përgjigje. Hyra në internet e printova deklarimin epasurisë për vitin 2020 dhe ky deklarim i pasurisë tregon që ministrja ka pasë të hyra nga kompania Albas.
Këto të hyra nuk janë deklaruar në rubrikën që është për të hyrat vjetore, nuk i ka deklaruar, por i ka deklaruar në faqen e fundit në një rresht të vetëm ku thotë autorësia për pesë libra Albas. Nuk shkruan dicka tjetër.
Për më shumë në kompaninë Albas, lidhje ka edhe një person që quhet Krenare Lleshi që është motra e ministres në fjalë dhe po të mos ishte tenderi që iu ka dhënë në vitin 2021 dhe 2022 shtëpisë botuese Albas, do të ishte krejt normale, angazhim i mirë, punë që duhet me u cmu, por problemi është se kur merr të hyra nga një kompani dhe je titulluar i një ministrie dhe në vitin pasues, shtëpia botuese merr tender milionësh, shtrohet pyetja a ka naj lidhje kjo punë? Prapë po them, sikur mos të ishte tenderi në vitin 2021 e më 2022 e sikur të mos ishte ministre zonja Nagavci, as nuk e kishim diskutu këtë punë. Dyshimet janë për tenderin që është dhanë”, ka thënë Qalaj në Kuvendin e Kosovës, shkruan Nacionale.
Lidhur me këtë, zonja Nagavci ka deklaruar:
“Deputet Qala, ish drejtor i policisë, Unë Motra ime dhe të gjithë të afërmit e mi, punojmë me nder dhe djersë. Po, kam punu unë, kam shkru libra ditë e natë dhe gjithçka e kam bë në mënyrë të ndershme.
Deklarimin e pasurisë e kam bë sipas obligimeve të mia.
Kurrë asi ti as askush nuk mundet me drejtu gishtin kah unë”, ka thënë ajo.
