Ministria e Arsimit dhe Shkencës, Arberie Nagavci, ka folur në një konferencë, rreth çështjes së teksteve të vitit shkollor për fëmijët, ku është marrë vendimi që prindërit t’i blejnë tekstet mësimore vetë pastaj të bëhet rimbursimi nga ministria.
Nagavci gjatë konferencës së mbajtur sot ka paralajmëruar mbledhje me drejtorët e drejtorive komunale të arsimit, për çështjen e teksteve të arsimit.
“Në kuadër të përgatitjeve për fillimin e vitit të ri shkollor, kemi planifikuar që të martën e ardhshme do të mbahet mbledhja me drejtorët e drejtorive komunale të arsimit”, theksoi Nagavci.
Ministrja tha se zyrtarët e Ministrisë janë vazhdimisht në bashkëpunim me zyrtarët komunal për të gjitha kërkesat e tyre.
“Përveç kësaj zyrtarët e Ministrisë janë vazhdimisht në bashkëpunim me zyrtarët komunal qoftë për të marrë kërkesat e tyre për tekstet për infrastrukturë, njoftimin për legjislacionin dhe ndryshimet që bëhen në këtë linjë dhe në komunikim për të gjitha poletikat që ne i bëjmë”, deklaroi ajo.
