Ministrja e Arsimit, Arbërie Nagavci, ka njoftuar se do të ndahen 70 bursa në drejtimet deficitare dhe drejtimet teknike, shkruan Albanian Education.
Postimi i ministres:
70 bursa në drejtimet deficitare dhe drejtimet teknike
Kam nënshkruar sot vendimin për ndarje të bursave për nxënës në Institucionet e Arsimit dhe Aftësimit Profesional në drejtimet deficitare dhe bursa për vajza në drejtime teknike.
Vlera e bursës për nxënës do të jetë 500 euro për 1 vit shkollor.
Numri total i bursave është 70, prej tyre 40 në drejtimet deficitare dhe 30 në drejtimet teknike.
Në drejtimet deficitare mund të aplikojnë të gjithë nxënësit e IAAP-ve, ndërsa për drejtimet teknike vetëm vajzat.
Bursat për drejtimet deficitare:
📌Zhvillues i aplikacioneve softuerike
📌 Instalues elektrik
📌Veterinë
📌Mekatronikë
📌Asistent i turizmit dhe udhëtimeve
📌Përpunimi i drurit/zdrukthtar
📌Hortikulturë
Bursat për vajza në drejtimet teknike:
📍Metalpunues
📍Instalues elektrik
📍Instalues i ngrohjes, klimatizimit dhe ujësjellësit
📍Automekanik
📍Teknologjia e reciklimit
📍Teknik i sistemeve të TIK-ut
Detajet: http://bitly.ws/FBXR
Si Ministri do të vazhdojmë të ofrojmë përkrahje për të gjithë nxënësit e studentët pa dallim.
