Të mërkurën është hapur Panairi i 24-t i Librit në Prishtinë ku ka marrë pjesë edhe ministrja e Arsimit, Arbërie Nagavci.
Ajo në këtë panair ka folur para mediave rreth panairit, ku në kronikën e publikuar nga KlanKosova në Lajmet Qenrore ministrja Nagavci dëgjohet kur shkrimtarit të njohur Orhan Pamuk ia huq mbiemrin, dhe e quan Orhan Pambuku, shkruan AlbanianEducation.net.
“I pamë librat e autorit, po diskutojmë për tekstet edhe të Orhan Pambukut” – tha ministrja Nagavci për Klan Kosovën.
Në këtë panair, rreth 100 botues nga Kosova, Shqipëria, Maqedonia e Veriut dhe Diaspora do të prezantojnë mbi 2000 tituj të rinj dhe rreth 6000 tituj të viteve të fundit, për lexuesit dhe adhuruesit e librit.
Kujtojmë se kryeministri i vendit, Albin Kurti, gjatë qëndrimit të tij në Turqi, ka njoftuar se është takuar me shkrimtarin nobelist turk, Orhan Pamuk, me të cilin tha se kanë diskutuar për shumë çështje.
ryeministri Kurti, përmes një postimi në rrjetin social Facebook, tregoi se shkrimtari i njohur turk, Orhan Pamuk, ishte i interesuar për Kosovën, shqiptarët dhe për Ballkanin, duke theksuar se “temat e bisedës ndërroheshin më shpesh se pjatat mbi tryezë”.
