“Edukimi cilësor është prioritet i ynë si Qeveri”. Kështu ka deklaruar ministrja e Arsimit, Arbërie Nagavci, në një diskutim publik ku u prezantua drafti i Kurrikulës për Zhvillimin në Fëmijërinë e Hershme, shkruan AlbanianEducation.net.
Postimi i saj:
Edukimi cilësor është prioritet i ynë si Qeveri. Në një diskutim publik prezantuam sot draftin e Kurrikulës për Zhvillimin në Fëmijërinë e Hershme.
Brenda dy viteve e gjysmë mandat, kemi finalizuar Ligjin për Edukimin në Fëmijërinë e hershme dhe së shpejti do të finalizojmë edhe Kurrikulën, si një dokument i domosdoshëm për fëmijët tanë.
Falenderoj grupin punues, ekspertët, partnerët vendor dhe ndërkombëtarë dhe të gjitha palët e përfshira në hartimin e këtij dokumenti, për punën dhe kontributin në këtë proces.
Si Ministri nuk do të ndalemi me kaq, por do të punojmë shumë që të gjithë fëmijëve t’u ofrojmë mjedis të sigurt e mbështetës.
