Nagavci e Hyseni vunë gurëthemelin çerdhes së re me vlerë mbi 710 mijë euro

Gjilanit po i’u shtohet edhe një çerdhe e re në lagjën “Qarku I” me vlerë mbi 710 mijë euro.

Kryetari i Gjilanit, Alban Hyseni së bashku me Ministren e Arsimit, Arbërie Nagavci, kanë hedhur sot gurëthemelin e kësaj çerdhe.

“Sot, bashkë me Ministren e Arsimit, Arbërie Nagavci hodhëm gurëthemelin për fillimin e ndërtimit të çerdhes së re në lagjen “Qarku I” me vlerë totale prej 710.995.62€… Vetëm bashkë mund të krijojmë projekte zhvillimore për gjeneratat e ardhshme, prandaj mirëpresim bashkëpunimin me Ministrinë në investime tjera për arsimin në komunën e Gjilanit”, a deklaruar Alban Hyseni.

Çerdhja që po fillon punimet sot, do të ketë sipërfaqe prej 1552.16 m2, dhe kapacitet për sistemimin e 120 fëmijëve të moshës 9 muaj deri në 5 vjeç.