Ministrja e Arsimit, Arbërie Nagavci, thotë se arsimi është prioritet i Qeverisë Kurti.
Gjatë këtyre tri viteve, Nagavci, thotë se kanë marrë veprime konkrete duke nisur që nga fëmijëria e hershme e deri tek arsimi i lartë.
Postimi i saj:
⬆️Për 3 vite qeverisje, shumë punë të realizuara
Arsimi është prioritet i Qeverisë Kurti. Me shumë përkushtim, po punojmë dhe jemi duke realizuar politikat që sigurojnë edukim e arsim gjithpërfshirës dhe cilësor. Gjatë këtyre tri viteve kemi marrë veprime konkrete duke nisur që nga fëmijëria e hershme e deri tek arsimi i lartë. Gjatë kësaj periudhe në fokus kemi pasur të vegjlit, nxënësit e studentët e mësimdhënësit.
👧🏼👦🏼Edukimi në fëmijërinë e hershme
🔴Kemi finalizuar dhe është miratuar Ligji për Edukimin në Fëmijërinë e Hershme;
🔴Kemi draftuar Kurrikulën e re për EFH dhe tashmë ka nisur pilotimi i saj;
🔴Është miratuar Udhëzuesi për Ushqyeshmëri të Shëndetshme në Fëmijëri të Hershme;
🔴Është themeluar Komiteti Këshillëdhënës për EFH;
🔴Po përmirësojmë infrastrukturën fizike me ndërtimin e çerdheve të reja dhe po adaptojmë ambientet ekzistuese.
📚✏️Arsimi Parauniversitar
📍Për herë të parë filluam dhe po implementohet suksessshëm arsimi dual. Në vitin e tretë të qeverisjes, arsimi dual po zbatohet në 12 profile, në 21 shkolla të Kosovës;
📍Për herë të parë rishikuam tekstet shkollore të gjuhës Shqipe dhe Matematikës për arsimin e obligueshëm;
📍Unifikuam Abetaren Kombëtare në bashkëpunim me Republikën e Shqipërisë;
📍Është bërë teksti shkollor “Gjuha shqipe dhe kultura shqiptare” për nxënësit e diasporës, për nivelin e parë dhe nivelin e dytë;
📍Për herë të parë kemi ndarë buxhet për mësimdhënësit me probleme shëndetësore;
📍1600 mësimdhënësve ju kemi ruajtur normat dhe jemi duke punuar që mësimdhënësit të mos rrezikojnë vendet e punës;
📍Vazhdon mbështetja për zhvillimin profesional të mësimdhënësve;
📍Kemi ndarë buxhetin tek komunat për punësimin e 500 asistentëve për fëmijët me nevoja të veçanta;
📍Janë certifikuar 409 Asistentë me Programin e Pearson;
📍Kemi ndarë buxhetin tek komunat për punësimin e 520 pedagogëve dhe psikologëve shkollorë;
📝Gjithpërfshirja dhe mundësitë e barabarta
🖇️ Kemi ndarë 350,000 euro për punë me fëmijë me talente dhe fëmijë me nevoja te veçanta;
🖇️110 bursa për nxitjen e vajzave për të ndjekur profile teknike dhe nxitjen e djemve për të ndjekur profile deficitare (vlera e bursës është 500 Euro në vit dhe vijon për tre vite të shkollimit);
🖇️300,000 euro bursa për nxënësit e komuniteteve rom, ashkali dhe egjiptian. Përfituan rreth 1000 nxënës;
🖇️496,690.27 euro për qendrat mësimore të fëmijëve rom, ashkali dhe egjiptian;
🖇️1.7 milion euro për 300 mësimdhënës në gjendje jo të mirë shëndetësore;
🖇️Subvencionuam 7 OJQ në vlerë 170.000.00 euro për përkrahjen e nxënësve me IQ të jashtëzakonshme, talente dhe dhunti dhe ndamë shpërblime për 88 nxënës fitues të garave me vlerë 30.000.00 euro;
🖇️Akreditituam programin e nivelit të pestë për gjuhën e shenjave;
🖇️Inauguruam 8 qendra të karrierës në Institucionet e Arsimit dhe Aftësimit Profesional (IAAP), në: Mitrovicë, Podujevë, Gjilan, Kamenicë, Rahovec, Suharekë, Klinë dhe Deçan;
🎓🔭Arsimi i lartë dhe shkenca
📎Arsimi Publik Falas. Nga viti akademik 2021/2022 të gjithë studentët e universiteteve publike janë të liruar nga pagesa semestrale;
📎Kemi zgjidhur problemin shumëvjeçar të verifikimit të diplomave për 15.468 studentë të cilëve nuk u njiheshin diplomat për shkak të problemeve të krijuara me librat amëz;
📎Funksionalizuam Agjencinë e Kosovës për Akreditim me Këshillin Shtetëror të Cilësisë dhe rikthyem Agjencinë e Kosovës për Akreditim në ENQA si anëtare e asociuar;
📎Rifunksionalizuam Këshillin Kombëtar të Shkencës pas një dekade dhe miratuam Programin e ri Kombëtar të Shkencës për vitet 2023-2028;
📎Kosova u bë anëtare me të drejta të plota në programin Horizon Europe;
👩🏼🎓👨🏼🎓Për 3 vite, mbi 10 milionë euro mbështetje për studentët
📌5175 studentë përfitues të Bursave Elitare;
📌4880 bursa në vlerë 1 mijë euro për studentë të fushave STEM;
📌73 studentë me nevoja të vecanta përfituan bursa. Shuma totale e përkrahjes 61.712.00 euro.
📌13 studentë të nivelit master, sipas listës Shangai përfituan mbështetje financiare në vlerë 7 mijë euro;
📌103 studentë të nivelit të doktoratës që studiojnë në top universitetet më të mira në botë, sipas listës Shangai i mbështetëm me nga 8 mijë e 500 euro;
📌81 studentë nga komunitetet përfituan bursë në vlerë 1 mijë euro;
📌169 bursa të ndara në kuadër të programit “Stipendium Hungaricum” (marrëveshja MAShTI-Qeveria Hungareze).
📌Në kuadër të marrëveshjes me Francën, 4 studentë përfituan bursë për studime në nivelin master në institucione të arsimit të lartë në Francë.
📌Vazhdon zbatueshmëria e programit Fulbright për Kosovën sipas marrëveshjes të arritur ndërmjet MASHTI-it dhe Ambasadës Amerikane (2021-2025/2026). Investimi i qeverisë për programin Fulbright (600 mijë euro në vit) e rendit Kosovën në vendin numër një në botë për shumën e bashkëfinancimit të programit Fulbright për kokë banori.
📝Infrastruktura ligjore:
Që kur e kemi pranuar detyrën në mars të vitit 2021 kemi finalizuar 10 ligje dhe 32 Udhëzime Administrative që rregullojnë proceset, përcaktimin e zbatimit të ligjeve dhe normave administrative në të gjitha nivelet e arsimit.
Edhe në periudhën e mbetur të mandatit, do të vazhdojmë punën drejt përmirësimit të cilësisë së arsimit, dhe finalizimit me sukses të proceseve të nisura.
