Big Mama na përloti të gjithve spektaklin e kaluar të “Big Brother VIP” kur ndau një histori mjaft të veçantë.
Ajo tregoi se ka një mik të vogël, me të cilën është shumë e lidhur dhe që kur e ka njohur nuk ka ditë që të mos ketë komunikuar me të. Djaloshi i vogël quhet Andi dhe është me sindromën Down.
Gjesti i këngëtares u vlerësua shumë dhe zgjoi interes te publiku. Kështu së fundmi në “Ftesë në 5” babai i të voglit ka folur më shumë rreth raportit të tij me artisten. Në një lidhje me Skype ai tregoi:
“Para dy vitesh Bigu, në afërsi të shtëpisë sonë, ka hapur një biznes privat dhe që në ditën e parë kur u bë hapja ne ishim aty dhe ata patën një kimi dhe u lidhën aq shumë me njëri-tjetrin. “
Ai shprehu gjithë mirënjohjen për këngëtaren dhe atë që ajo ka bërë për Andin duke u shprehur se e ka mbajtur gjithnjë pranë dhe e ka ndihmuar shumë.
