Murati fton Prokurorinë ta hetojë SBASHK’un: Për 3 vjet deklaroi mbi 1 milion Euro më pak

Ministri i Financave dhe Transfereve, Hekuran Murati, ka thënë se ka shpërputhje të madhe në raportet e auditimit të sindikatave, ku theks të veçantë i dha SBASHK’ut.

Murati i ka bërë thirrje Prokurorisë që ta hetojë atë, pasi ka deklaruar 1 milionë euro më pak të hyra për 3 vjet.

Ministri i Financave tha se në llogarinë e kësaj sindikate, derdhen mjete financiare nga 25 mijë e 78 mësimdhënës që paguajnë 2 deri në 3 euro anëtarësi për muaj, teksa shtoi se për vitin 2017, diskrepanca financiare është 330 mijë euro, pasi sipas tij në llogarinë e SBAShK-ut, janë derdhur 550 mijë e 317 euro e 60 cent, ndërsa SBAShK-u i ka deklaruar vetëm 220 mijë e 136 euro e 54 cent.