Muhamet Morina është emëruar drejtor i Arsimit në Komunën e Rahovecit, shkruan AlbanainEducation.net.
Këtë e ka bërë të ditur ish-drejtori i Arsimit, Avni Morina, përmes një postimi në Facebook.
Ky i fundit ka thënën se Muhamet Morina është një njohës shumë i mirë i çështjeve që lidhen me edukimin dhe arsimimin dhe një kuadër i duhur në fushën e arsimit.
Postimi i tij i plotë:
Muhamet Morina, i sapo emëruar Drejtor i Drejtorisë Komunale për Arsim në Rahovec, është një njohës shumë i mirë i çështjeve që lidhen me edukimin dhe arsimimin dhe një kuadër i duhur në fushën e arsimit, me një përvojë të gjatë në mësimdhënie.
Muhameti ka përkushtim të madh për punë, vullnet dhe dije të mjaftueshme për të çuar përpara edhe më tej proceset pozitive në sistemin arsimor të komunës tonë.
Jam i bindur që Drejtoria Komunale për Arsim dhe i tërë sistemi arsimor në komunën tonë, me udhëheqjen e drejtorit të ri, do t’i vazhdojë angazhimet drejt sukseseve të reja, të cilat tashmë e kanë rrugën e trasuar nga vitet e mëparshme.
TË SHKOFTË PUNA MBARË DHE ME PLOT SUKSESE, DREJTOR MUHAMET MORINA!
