Në kuadër të Muajit Rozë – Muaji i Ndërgjegjësimit për Kancerin e Gjirit, nxënësit dhe stafi i shkollës “Meto Bajraktari” në Prishtinë organizuan sot një aktivitet simbolik, plot emocione dhe mesazhe fuqizuese për gratë dhe vajzat.
Nën moton “Kujdesuni për veten, ashtu siç kujdeseni për ne”, Këshilli i Nxënësve në bashkëpunim me mësimdhënësit, krijoi një atmosferë mbështetëse dhe të ndjeshme për të gjithë ata që janë prekur nga kjo sëmundje.
Gjatë aktivitetit, nxënësit shpërndanë fjongo rozë 🎀, lexuan mesazhe motivuese dhe dhuruan kartolina të krijuara me dashuri për menaxhmentin, mësimdhënëset dhe nënat. Secili mesazh ishte një thirrje për vetëdijesim, kujdes dhe parandalim.
Njoftimi i plotë:
📌 Sot ne menduam për ju.
Mësimdhënëse dhe nëna!
🩷 Kujdesuni për veten, ashtu siç kujdeseni për ne.
🎗️Në nder të Muajit Rozë të Ndërgjegjësimit për Kancerin e Gjirit, Këshilli i Nxënësve në bashkëpunim me mësimdhënësit, organizoi sot një aktivitet simbolik dhe emocional, për të shprehur solidaritetin dhe për të ngritur vetëdijen mbi rëndësinë e kontrollit dhe kujdesit për shëndetin.
📍Në këtë aktivitet, nxënësit shpërndanë fjongo rozë 🎀, lexuan mesazhe motivuese 💌 dhe shpërndanë kartolina për menaxhmentin, mësimdhënëset dhe nënat.
Një aktivitet simbolik u mbush me zemra dhe mesazhe të shkruara nga nxënësit për të gjithë ata që po luftojnë ose kanë kaluar përmes kësaj sëmundjeje.
🌸 Ky muaj na kujton se parandalimi dhe mbështetja janë më shumë se fjalë – janë veprime që mund të shpëtojnë jetë.
Faleminderit të gjithëve që morën pjesë dhe kontribuan në këtë ditë kaq të veçantë 💖.
#MuajiRoze #Ndërgjegjësim #Solidaritet #KujdesuPërVeten
