Vajza nëntëvjeçare u bë një nga më shumë se 728 mijë kandidatët që do të hyjë në provimin pranues në një Universitet në Francë.
Ministria e Arsimit ka njoftuar se ajo ishte kandidatja më e re që ka aplikuar në Qendrën Kombëtare për Mësimin në Distancë (CNED).
“Ka kohë që nuk kemi një aplikuese kaq të re. Kur dëgjova sa vjeç ishte, kërkova të kontrolloja informacionin sepse u habita shumë”, komentoi përfaqësuesi i Ministrisë së Arsimit të Francës, Edouard Geoffray.
Në CNED, ajo studioi matematikë, fizikë dhe kimi, por dhënia e provimit pranues nuk garanton se do të hyjë në universitet, shkruan lafigaro.
Vitin e kaluar, pjesëmarrësi më i ri ishte vetëm 13 vjeç, por asnjë nga aplikacionet nuk u miratua.
Nga ana tjetër, kandidati më i vjetër për diplomë në Francë këtë vit është 76-vjeçar. /Telegrafi/
