Nivele të larta të copave të vogla plastike të njohura si mikroplastikë lëshohen nga shishet e ushqimit të foshnjave gjatë konsumit, sipas një studimi të ri.
Lëngjet e ngrohta ose uji i përdorur për të sterilizuar shishet, çon në një çlirim më të madh të fragmenteve të plastikës, raporton “Independent”, transmeton lajmi.net.
Ka prova që njerëzit mund të konsumojnë mikroplastikë përmes zinxhirit ushqimor për shkak të sasisë së madhe të ndotjes plastike në oqean.
Sidoqoftë studimi vëren se lirimi i drejtpërdrejtë i mikroplastikës nga produktet plastike në përdorimin e përditshëm është ende duke u hetuar.
Studimi nga shkencëtarët e kolegjit “Trinity” në Dublin, ka nxjerrë disa rekomandime për përgatitjen e shisheve të plastikës, për të minimizuar rrjedhjet e mikroplastikave.
Profesori John Boland, nga Shkolla e Kimisë e “Trinity” i cili ishte pjesë e studimit u shpreh: “Ne kemi kuptuar se është e mundur të zbutet rreziku i konsumimit të mikroplastikave duke ndryshuar praktikat rreth sterilizimit dhe përgatitjes së formulës”, transmeton lajmi.net.
Nga studimi erdhën në përfundim se:
Shishet e foshnjave të bëra me polipropilen mund të lëshojnë deri në 16 milionë mikroplastikë për litër.
Sterilizimi në ujë të nxehtë rrit çlirimin mikroplastik nga 0.6 milionë në 55 milionë grimca për litër, kur temperatura rritet nga 25C në 95C.
Niveli mesatar i ekspozimit ditor për foshnjat është më shumë se 1 milion mikroplastikë, Amerikën e Veriut dhe Evropën që kanë nivelet më të larta të ekspozimit të mundshëm.
Studimi gjithashtu rekomandoi mënyra për të sterilizim dhe përgatitje:
Përgatitni ujë të sterilizuar duke e zierë në një enë qelqi ose çeliku. Shpëlajeni shishen duke përdorur ujë të sterilizuar në temperaturë dhome të paktën tre herë.
Përgatitni ushqimin e foshnjës në një enë jo-plastike.
Ftoheni në temperaturën e dhomës dhe transferojeni ushqimin e përgatitur në një shishe plastike me cilësi të lartë për të ushqyer foshnje.
