Mjekët pediatër ngrenë alarmin: Këta kremëra anti-skuqje kanë përmbajtje toksike

Kur dëgjojmë nënat tona të na thonë lyeni foshnjet me të verdhë veze, mjaltë apo me vaj ulliri, nuk ua vëmë veshin e na vjen për të qeshur.

Vrapojmë për të blerë kremërat e vajërat më të shtrenjtë, por mesa duket gjyshet dhe mamatë tonë nuk e kanë gabim. Studimet e shumta kanë treguar që shumë kremëra për fëmijë kanë në përmbajtjen e tyre përbërës me natyrë toksike.

Një prej tyre tyre është edhe konservanti në kremërat anti-skuqje, phenoxyethanolo, i cili ka efekte të dëmshme për lëkurën e ndjeshme të foshnjes.

Phenoxyethanolo është një ruajtës i përdorur gjerësisht në produktet larëse dhe kozmetike për fëmijë, por studimet e fundit kanë treguar se ky konservant ka efekte toksike në zhvillimin psiko-fizik të një fëmije.