Profesoresha e Fakultetit të Gjeoshkencave, Nurtene Beligradi Deva, është zgjedhur ushtruese e detyres së rektores në Universitetin “Isa Boletini” në Mitrovicë.
Këshilli Drejtues i UIBM pasi ka anuluar konkursin me të cilin ishte zgjedhur Merita Shala si rektore, ka marrë vendim për caktimin e një ushtruese të detyres së rektorit deri në zgjedhjen e të riut, shkruan Jepi zë.
Deva si inxhiniere ka diplomuar me 30 shtator të vitit 1991 në Fakultetin e Xehetarisë dhe Metalurgjisë në Mitrovicë.
Me datën 5 prill 2008 mori gradën Magjistër i Shkencave Teknike të Metalurgjisë ndërsa me 12 Korrik doktoroi sërish në këtë institucion akademik, shkruan Jepi zë
Deva më herët nuk ka bartur ndonjë pozitë udhëheqëse por njihet për raportet e mira që ka pasur me ish udhëheqjen e kaluar që e udhëhoqi këtë institucion për 10 vite.
Detyra e saj është ta udhëheq Universitetin e Mitrovicës deri në zgjedhjen e një rektori të ri, që qytetarët mitrovicas shpresojnë që kësaj radhe të jetë dikush nga qyteti i tyre./ Jepi zë
