Fjolla Zhubi Bakija e cila është edhe vajza e drejtoreshës së spitalit të Mitrovicës, Luljeta Zhubi, ka vazhduar traditën familjare.
Ajo ka vazhduar profesionin human të doktoreshës në shërbim dhe shërim të qytetarëve.
Mitrovicasja pas një punë intesive ka arritur ta përfundojë specializimin për Mjekësi Interne dhe Kardiologji, ndërsa Fjolla përmes një postimi ka falenderuar të gjithë që kontribuan në suksesin e saj.
Postimi plotë:
Sot, kur po kurorëzoj përfundimin e shkollimit tim specialistik në Mjekësi Interne dhe Kardiologji, ndihem krenare dhe njëkohësisht mirënjohëse për të gjithë ata që ishin mbështetësit, përkrahësit dhe udhërrëfyesit e pakursyer në këtë rrugëtim.
Falenderim i posaçëm për familjen time që më mbështetën dhe besuan në sukseset e mia që sot po i kurorëzoj.
Po ashtu falenderime për mentorët, kolegët, bashkëpunëtorët dhe ju premtoj se do vazhdoj të përkushtohem edhe më me zell në profesionin e shenjtë.
