Mitrovicasja Albulena Uka që hyri në histori si studentja më e mirë, zgjedhet asistente në Universitet

Mitrovicasja Albulena Uka, mbesa e heroit Mehë Uka, si studente kishte arritur t’i përfundojë studimet me notë mesatare 10-të.

Pas këtij suksesi, Albulena filloi studimet postdiplomike duke fituar bursë nga BE, shkruan Jepi zë.

Dikur krenaria studentore e Fakultetit Juridik në Universitetin e Mitrovicës, tani është rikthyer si asistente në këtë institucion akademik.

Albulena përveç si asistente ka kohë që është e angazhuar si këshilltare politike e ministres Albulena Haxhiu.

Postimi i plotë nga Albulena Uka:

Emocion dhe kënaqësi e jashtëzakonshme të filloj përgjegjësinë e re në cilësinë e Profesor Asistentes. E lumtur për të kontribuar në akademi dhe të punoj në përgatitjen e juristëve të së ardhmes.