Mitrovicasve nuk u mungon suksesi as brenda Universitetit.
E shembull i jashtëzakonshëm për këtë është Mitrovicasi nga Zasella, Arben Abazi.
Ai është djali i minatorit të Trepçës, Gani Abazi, i cili me familje kishte emigruar për në Finlandë.
Arbeni u lind, u rrit e u formësua dhe vazhdon të jetojë atje.
Ai arriti të përfundojë fakultetin ekonomik me shpejtësi rekorde: për 1 vit e 8 muaj, një fakultet që zgjatë deri në 3.5 vite. Ishte vetëm 21 vjeçar.
Por zelli dhe suksesi i tij nuk u ndalën me kaq ngase ai përfundoi edhe nivelin e magjistraturës po në kohë rekorde, brenda 1 viti e gjysmë, dhe me nota maksimale, që ia mundësuan përsëritjen e një suksesi të jashtëzakonshëm.
Arbenit i urojmë suksese të mëtejme në rrugëtimet e radhës! /Mitrovica Sot/
