Mirvete Gagica- Makolli është zgjedhur mësuese e dalluar në shkollën “7 Marsi” në Prishtinë, shkruan AlbanianEducation.net.
Në njoftim thuhet se arsimtarja Mirvete është dalluar për përkushtimin, profesionalizmin dhe dashurinë ndaj profesionit, duke kontribuar vazhdimisht në edukimin dhe formimin e gjeneratave të reja.
Njoftimi i shkollës “7 Marsi” në Prishtinë:
Në mbledhjen e Këshillit të Mësimdhënësve, të mbajtur më 11 shkurt 2026, në SHFMU “7 Marsi” në Prishtinë, pas propozimit dhe votimit të lirë e transparent, u zgjodh mësimdhënësja e dalluar arsimtarja Mirvete Gagica- Makolli.
Arsimtarja Mirvete është dalluar për përkushtimin, profesionalizmin dhe dashurinë ndaj profesionit, duke kontribuar vazhdimisht në edukimin dhe formimin e gjeneratave të reja.
Ajo ka treguar angazhim të lartë në punën edukativo-arsimore, si dhe gatishmëri të vazhdueshme për zhvillim dhe avancim profesional.
Në emër të stafit të shkollës, e përgëzojmë për titullin “Mësimdhënëse e dalluar” dhe i dëshirojmë suksese të mëtejshme në përfaqësimin e denjë të SHFMU “7 Marsi” në nivel komunal.
Me respekt,
Drejtoria e shkollës
