Dy shkollave të mesme në Podujevë, “Fan Noli” dhe “Isa Boletini”, nga viti i ardhshëm do të jenë me emërtim të ri profesional.
Ky vendim është miratuar sot nga të gjithë këshilltarët komunalë në Podujevë. Këtë propozim e ka bërë drejtori i Arsimit, Avni Fetahu, i cili ka thënë se qëllimi i këtij vendimi është që të krijohet hapësirë për drejtime që i kërkon tregu i punës.
“Me këtë vendim, shkolla e mesme teknike “Fan S. Noli” dhe shkolla e mesme ekonomike “Isa Boletini”, nga shkolla të mesme të larta profesionale, emërohen në institucione të arsimit dhe aftësimit profesional me shkurtesën IAAP. Emërimi këtyre shkollave, sipas nenit, bëhet me qëllim të rregullimit, strukturimit, menaxhimit dhe organizimit të tyre, që ofrojnë arsim profesional. Pra, është kërkesë që këtyre shkollave t’u ndërrohet emërimi, që vitin tjetër të krijojnë hapësirë për drejtime që i kërkon tregu i punës”, ka deklaruar Fetahu.
Me 29 vota pro, asnjë kundër dhe asnjë abstenim është miratuar ky propozimi i Drejtorisë së Arsimit.
