Ministrja thirrja qytetarëve: Vizitoni Panairin e Librit këtë fundjavë, është mundësi e pazëvendësueshme

Ministrja e Drejtësisë, Albulena Haxhiu, ka vizituar Panairin e Librit që po mbahet në Prishtinë ku ju ka bërë thirrje qytetarëve këtë fundjavë për ta vizituar sepse është mundësi e pazëvendësueshme, shkruan AlbanianEducation.net.

Postimi i saj:

Panairi i Librit është përherë një kopsht i dijes që mbërthen lexuesit me titujt më të përzgjedhur, nga shkrimtarë vendorë dhe botërorë. Panairi “Prishtina 2024” po pret lexuesit e saj të rregullt dhe lexuesit e rinj për t’i njohur me botimet e reja që do të pasurojnë bibliotekat e shtëpive dhe dijen e lexuesve.

Panairi do të jetë i hapur deri nesër, andaj shfrytëzoni këtë fundjavë për ta vizituar sepse është mundësi e pazëvendësueshme.