Ministrja e Arsimit, Arbërie Nagavci, ka njoftuar se nga java e ardhshme në shkollat tona do të fillojë të implementohet iniciativa globale e quajtur Ora e Kodimit, shkruan AlbanianEducation.net.
Ajo njofton se gjatë javës së Orës së Kodimit, shkollat dhe qendrat partnere do të organizojnë kurse të kodimit, projekte, prezantime e sesione informuese rreth kodimit, inteligjencës artificiale e shkencave kompjuterike.
Postimi i saj:
Nga java e ardhshme në shkollat tona do të fillojë të implementohet iniciativa globale e quajtur Ora e Kodimit.
Nxënësit do të pergatiten e nxiten drejt mësimit të kodimit. 👩💻🧑💻
Gjatë javës së Orës së Kodimit, shkollat dhe qendrat partnere do të organizojnë kurse të kodimit, projekte, prezantime e sesione informuese rreth kodimit, inteligjencës artificiale e shkencave kompjuterike.
Me ftesë të CODE.org po marr pjesë në Konferencën CSEdCon në Las Vegas, në mes të më shumë se 400 pjesëmarrësve të tjerë nga e gjithë 🗺️ bota.
Me partnerë e bashkëpuntorë ndërkombëtar, do të diskutojmë dhe eksplorojmë bashkëpunimin për edukimin e gjeneratave të ardhshme që të fokusohen dhe të motivohen për të studiuar shkencat kompjuterike.
