Ministrja e Arsimit, Arbërie Nagavci, ka njoftuar se është shpallë thirrja e dytë për shprehje interesi për Fondin për Kosovën (KCF).
Ajo ka ftuar të gjitha institucionet e arsimit dhe aftësimit profesional dhe ndërmarrjet partnere që të aplikojnë në programin mbështetës të granteve të KCF-së e të përfitojnë nga ky fond.
Njoftimi i saj:
Edhe një mundësi për Institucionet e Arsimit dhe Aftësimit Profesional
Është shpallë thirrja e dytë për shprehje interesi për Fondin për Kosovën (KCF). Ftohen të gjitha institucionet e arsimit dhe aftësimit profesional dhe ndërmarrjet partnere që të aplikojnë në programin mbështetës të granteve të KCF-së e të përfitojnë nga ky fond.
KCF është një iniciativë e Bankës Gjermane për Zhvillim (KfW) e financuar me 5.8 milionë Euro për grante nga Ministria Gjermane për Zhvillim Ekonomik dhe Bashkëpunim (BMZ).
Agjencia zbatuese e projektit është Ministria e Arsimit, Shkencës, Teknologjisë dhe Inovacionit e cila mbështetet nga një konsorcium ndërkombëtar konsulentësh për të zbatuar programin e përgjithshëm.
Thirrja është e hapur nga data 21 nëntor deri më 27 janar 2023.
Detajet më të hollësishme për këtë thirrje i gjeni në këtë LINK
