Ministrja e Arsimit, Arbërie Nagavci, po qëndron në Britani të Madhe ku po merr pjesë e Forumit Botëror të Edukimit 2022.
Ajo me këtë rast ka deklaruar se Qeveria e Kosovës me përkushtim të plotë po punon për mbështetjen e mësimdhënësve dhe nxënësve në mënyrë që të ngritet performanca në arsim.
Postimi i tij:
Kënaqësi të jem pjesë e Forumit Botëror të Edukimit 2022, i cili po mbahet në Londër ku tema e këtij viti është “Arsimi: Ta ndërtojmë të ardhmen së bashku, më të fortë, më të guximshme dhe më të mirë”.
Në këtë forum, pjesë e së cilit janë edhe ministra të arsimit nga shumë vende të botës, si dhe ekspertë të arsimit, synojmë të shtojmë bashkëpunimin në mënyrë që së bashku të adresojmë çështje dhe sfida dhe me anë të bashkëpunimit të gjejmë zgjidhje.
Qeveria e Kosovës me përkushtim të plotë po punon për mbështetjen e mësimdhënësve dhe nxënësve në mënyrë që të ngritet performanca në arsim.
Prandaj, Forumi Botëror i Edukimit është njëra nga mundësitë më të mira për të shkëmbyer përvojat e sistemeve të tjera arsimore dhe për të përshtatur praktikat e mira në kontekstin tonë.
Falënderoj Qeverinë e Mbretërisë së Bashkuar dhe ambasadorin në Kosovë, z. Nicholas Abbot për mbështetjen dhe bashkëpunimin e vazhdueshëm!
