Ministrja Arbërie Nagavci ka pritur sot nxënësit e klasës së parë të shkollës fillore “Dardania” në Prishtinë dhe mësuesen e tyre Elenë Stublla.
Njoftimin e ka bërë vet ministrja Nagavci përmes një njoftimi në Facebook.
Njoftimi i plotë i Nagavcit:
Në kabinetin tim sot pat shumë gaz e pozitivitet.
Prita në kabinet mysafirë të veçantë, nxënësit e klasës së parë të shkollës “Dardania” në Prishtinë, bashkë me mësuesen e tyre Elena Stublla, të cilët i dhanë gjallëri MASHTI-t.
Fëmijë inteligjentë, plot ide e gjallëri që më falën shumë emocione, duke shpalosur pak nga bota e tyre fëmijërore.
Kërkesat dhe dëshirat e fëmijëve, fuqishëm ngrisin motivin dhe vullnetin tonë për të punuar pa u lodhur e me përkushtim që të sigurojmë arsim cilësor dhe jetë më të mirë për ta.
Ua urova Vitin e Ri dhe, përmes tyre, secilit fëmijë në Kosovë!
Shëndet, hare e mirëqenie për të gjithë fëmijët!
