Ministrja e Arsimit, Arbërie Nagavci, ka pranuar sot zyrtarisht Programin Kombëtar të Shkencës për periudhën 2023-2028.
Njoftimi i saj:
Pranova sot zyrtarisht Programin Kombëtar të Shkencës për periudhën 2023-2028.
Programi Kombëtar i Shkencës tashmë është finalizuar dhe sot e pranova nga kryetarja e Këshillit Kombëtar të Shkencës, Prof. Myzafere Limani dhe sekretarja Prof. Mihane Kerolli.
Falënderoj përzemërsisht anëtarët e Këshillit, të cilët kanë punuar me përkushtim që ta kemi këtë dokument të rëndësishëm, i cili orienton politikat e kërkimit shkencor në vendin tonë.
Zhvillimi i shkencës është i domosdoshëm për rritjen dhe avancimin e zhvillimit ekonomik dhe shoqëror të Kosovës.
Kjo është arritje madhore dhe e rëndësishme, e realizuar falë funksionalizimit të Këshillit Kombëtar të Shkencës, pas thuajse një dekade.
