Ministrja Arbërie Nagavci me ftesë të Këshillit të Evropës po qëndron në Strasbourg të Francës ku përgjatë dy ditëve ka zhvilluar takime të rëndësishme me zyrtarë të lartë në këtë organizatë.
Ajo ka thënë se i ka informuar për punën që po bënë Qeveria e Kosovës për ngritjen e cilësisë në arsim përmes avancimit të politikave veçanërisht sa i përket rritjes së pjesëmarrjes në arsim të fëmijëve nga grupet e cënueshme.
Postimi i tij:
Me ftesë të Këshillit të Evropës po qëndroj në Strasbourg të Francës ku përgjatë dy ditëve kam zhvilluar takime të rëndësishme me zyrtarë të lartë në këtë organizatë.
Kemi biseduar për punën e Këshillit të Evropës në fushën e arsimit, të drejtave dhe mbrojtjes së fëmijëve, si dhe mbështetjen për arsimin në Kosovë.
Kam takuar drejtorin e Drejtorisë për Pjesëmarrje Demokratike, Matiaz Gruden, shefin e Departamentit të Arsimit, Villano Qiriazi dhe shefen e Divizionit për Bashkëpunim dhe Ngritje të Kapaciteteve, Sarah Keating.
I informova për punën që po bënë Qeveria e Kosovës për ngritjen e cilësisë në arsim përmes avancimit të politikave veçanërisht sa i përket rritjes së pjesëmarrjes në arsim të fëmijëve nga grupet e cënueshme.
Ndërkaq, me shefen e Departamentit të Programeve, Delphine Freymann dhe koordinatoren për Evropën Juglindore dhe Turqinë, Katerina Markovova, biseduam për programet e reja të KiE dhe mundësitë e rritjes së bashkëpunimit me Kosovën në fusha të tjera.
Falenderova Këshillin e Evropës për mbështetjen e vazhdueshme e së fundmi edhe projektin e përbashkët me BE, “Ndërtimi i kapaciteteve për Përfshirje në Arsim – INCLUDE”, i cili përkrahë përmirësimin e qasjes në arsim cilësor të nxënësve nga grupet e cënueshme në Kosovë.
