Ministrja e Arsimit, Arbërie Nagavci, po merr pjesë në Forumin Botëror të Edukimit në Londër, shkruan Albanian Education.
Ministrja ka njoftuar se këtë vit tema e Forumit është “Të ushqyerit e kulturës së të nxënit adaptues dhe të qëndrueshëm”, duke synuar arsim më të fortë e më cilësor kudo.
Postimi i saj:
🇬🇧Me ftesë të Shkëlqesisë së saj, znj. Gillian Keegan, Sekretare e Shtetit për Arsim në Mbretërinë e Bashkuar, me kënaqësi po marr pjesë në Forumin Botëror të Edukimit në Londër.
📝Këtë vit tema e Forumit është “Të ushqyerit e kulturës së të nxënit adaptues dhe të qëndrueshëm”, duke synuar arsim më të fortë e më cilësor kudo.
❇️Rrjetëzimi me bazë të gjerë dhe shkëmbimet intensive të përvojave edukative, akademike, arsimore e teknologjike me kolegë e bashkëpunëtorë janë tejet të vlefshme, andaj dhe në kuadër të Forumit, po zhvilloj takime me homologë të shteteve të ndryshme, si dhe përfaqësues të institucioneve dhe organizatave qe punojnë në fushën e arsimit, shkencës dhe inovacionit.
✴️Ky Forum mbledh çdo vit ministra të arsimit dhe përfaqësues të institucioneve dhe organizatave arsimore nga 118 vende të botës. Duke bashkuar politikëbërësit me bërësit, Forumi është një platformë e shkëlqyer për nxitjen e bashkëpunimit të nivelit të lartë mes palëve që formësojnë sistemet edukativo-arsimore në tërë globin.
