Ministrja e Arsimit, Arbërie Nagavci, ka takuar sot homologun e saj kroat, Radovan Fuchs me të cilin thotë se diskutua për mundësitë e bashkëpunimit në të gjitha nivelet e arsimit në mes të institucioneve qëndrore dhe u dakorduam që bashkëpunimi të zgjerohet edhe në nivel të institucioneve arsimore.
Ajo ka përmendur sërish aft9simin e mësimdhënësve ku thotë se me ministrin kroat të arsimin biseduan për shkëmbimin mbi sistemin e aftësimit të mësimdhënësve para shërbimit dhe gjatë shërbimit, si dhe sistemin e avancimit në karrierë të mësimdhënësve.
Postimi i saj:
Bashkë me ministrin e Shkencës dhe Arsimit të Kroacisë, Radovan Fuchs diskutuam sot për mundësitë e bashkëpunimit në të gjitha nivelet e arsimit në mes të institucioneve qëndrore dhe u dakorduam që bashkëpunimi të zgjerohet edhe në nivel të institucioneve arsimore.
Mbështetja e Kroacisë sidomos në fushën e Arsimit dhe Aftësimit Profesional (AAP) ka rëndësi të madhe për Kosovën meqë ky segment i arsimit është një nga prioritetet e MAShTI që e kemi paraparë në Planin Strategjik të Arsimit të Kosovës 2022-2026.
Me ministrin kroat diskutuam edhe rreth shkëmbimit për zbatimin e arsimit dual, shkëmbimit mbi sistemin e aftësimit të mësimdhënësve para shërbimit dhe gjatë shërbimit, si dhe sistemin e avancimit në karrierë të mësimdhënësve.
I shpreha mirënjohje po ashtu, për fillimin e partneritetit në mes të MAShTI dhe Fakultetit të Edukimit me Universitetin e Zarës për zhvillimin e kualifikimit të masterit 1-vjeçar për mësimdhënësit e ardhshëm të AAP-së, duke e trajtuar si profesion të rregulluar.
?????
