Ministrja e Arsimit, Shkencës dhe Teknologjisë, Arbërie Nagavci ka marrë pjesë, së bashku me kabinetin qeveritar dhe ministrat, në punëtorin e organizuar nga Kryeminstri, Albin Kurti.
Gjatë kësaj punëtorie, Nagavci ka shpalosur para Kurtit vizonin, misionin, qëllimet strategjike si dhe finalizimin plotësim-ndryshimin e 4 ligjeve.
Pas këtij prezantimi, Nagavci ka thënë se sfidat nuk do të jenë të pakta, por do t’i tejkalojnë me sukses.
“Sfidat s’do të jenë të pakta, por do t’i tejkalojmë përmes realizimit të planit për përshpejtim të procedurave administrative, komunikimit më efikas, zbatimit të politikave qendrore e plotësimit të vendeve të lira të punës. Jam e bindur se do të përballemi me sukses me sfidat e do të realizojmë rezultatet e synuara, sepse arsimi është pika ku duhet dhe do të jemi bashkë”, ka shkruar Nagavci.
